Usä letschti Abig hämmers natürlich au wieder i eusi Stammbar gschafft – sogar eusi verletzi Partyqueen Céline häts id Bar gschafft und de Tanzarm gschwungä.
Glücklicherwiis isch nachem spate LILÖ s z’Morgä FAKULTATIV gsi. (Achtung, Ussag vo eusem Gren)
Ganz nach eusere Tradition, simmer is legendäre Hardrock Café go z’Mittag ässä! Wiedermal hämmer nüt drus glernt und eus vo derä Spiischarte verlocke lah (de Reste wür für nögst Jahr no langä und für s nögst Jahr weiss au d Oli scho, dass sie Fajitas bstellä wett)
Nachemene churze Rückblick vo eusem Lager, sind da einigi Videos uftaucht, womer am liebste wieder abtauche würd (mit Kleider) 🙂 Die Videos sind gelöscht, dänn was in Ayia Napa passiert isch, bliebt au in Ayia Napa!
Wiiter sind denn die eintä richtig Hotel zum die letschtä siebe Sache in Koffer z packä. Die andere sind no go Sunnebrüllä probiäre, will ja i de schwiz au scho de summer acho isch (äh nei).
Mir hend eus ufdi 17.30 mitm Car und s’paar „blaue Mitreisende“ uf de Weg zum Flughafe und Flug id Schwiz gmacht. Bi de Temperatur Ayia Napa durch 4, simer ide chalte Schwiz acho. Zum glück hend all de rot (oder doch orange?) FC Pulli ipackt! Dank de Tina, em Andy & Franco hend mir schlafend de Weg vo Basel bis zum Dihai überstande. Doch scho i öpe 7/8 Stund isch wieder Treffpunkt in Kaltbrunn. Es staht nemli s‘zweite Testspiel uswerts gege de FC Weinfelden (3. Liga) ah, Apfiff: 13.30. Eusi Fraue sind motiviert zum dritte mal degege azkämpfe. Bekanntlich sind alle guten dinge 3! Au hisichtlich eusem Lager für negst Jahr 🙂
A dere stell es grosses Dankeschön a eusi Trainer Greni & Broseppe, a all Sponsore und zletscht a jedi einzelni Frau vom FC Uzne Team, für das super tolle Lager!
Gruess vom ältiste Müettere-Zimmer: Iris, Alessia & Sahra
