Tagwach isch am Morge am 7ni gsii. Wommer Üs am Träffpunkt besammlet händ, händ gwüssi scho e Sunnebrüllä bruucht, «will d’Sunne gschune hät??»…
…nachemenä churzä Rundgang hämmer üs mitem Zmorgä für di erscht Trainingseinheit gstärcht. Dä Platz isch wükki guet zwäg und d’Spielerinne inkl. üsne Tainer sind topmotiviert gsii zum uf dem Raase z’tschuttä. Nach churze Basicüebige und Gwöhnig an Ball hämmer zum Abschluss vom erschte Training nochli «Brazil» gspillt…
…zägg und scho isches wider Mittag gsii…
…die zwei Stunde Mittagspause hät jede chli andersch gnutzt. Di einte sind an Pool go sünnelä, anderi schomal as Meer und wider anderi händs für es churzes Schlööfli gnutzt…
…und wiiter isches mitem zweite Training vo hüt gange…
…hauptsächlich isches ums gnaue Passspiil, Pass in Lauf und Ballsicherheit gangä. Es isch nüme ganz so heiss gsi wie am Morgä. Als Belohnig häts es Mätchli geh. Dänn isches sowiit gsi und mer sind s’erscht mal as Meer abe 😊 – was füre Ussicht *-*. Üsi Bei hämmer im Meer, wo e aghnehmi Temparatur gha hät, abchüelt. Es chliises Fotishooting hät natürli aunöd döfe fäähle…
… Znaaaacht isch agseit!..
… churz drufabe hämmer üs ade Hotelbar für es Absackerli troffä. di Eintä begänd sich is Nachtläbe vo Ayia Napa und di Anderii nämets hüt gmüetlich…
… guet Nacht und bis Morn
Carmen, Jana und Chanti
